Танымал тарихшы, қоғам белсендісі Құттыбек Әшірхан журналист Айнұр Асанбердіге берген сұхбатында әзілкеш Тұрсынбек Қабатовтың сөйлеу мәнеріне қатысты пікір білдірді, – деп хабарлайды Aikyn.kz сайты.
Тарихшы әзілкештің «айтып жатырқ», «істеп жатырқ» секілді сөз қолданыстарын көпшілік арасына кең таратып жібергеніне ренішін білдірді.
– Тұрсынбек Қабатовқа ренжіген жерім – Оралдың жаргонын миллиондаған көрерменге вирус сияқты жұқтырып кетті. «Айтып жатырқ, істеп жатырқ» деген. Мен айтамын: «Айналайын, «тырқ» деген сөз адамның аузынан шықпайды, артынан шығады. «Неменеге тырқ-тырқ етіп, тырқылдап отырсың?» деп айтады. Ол бір анайылау сөз. Әдеби нормаға келмейді. Біз әдеби норманы сақтауымыз керек. «Біррез» деген сөз бар тағы. Бұл – сөз емес, бөз. Біррез емес, «бір рет», «қайта», «дүркін» деген сияқты қазақтың қаншама синонимі бар. Сөйлеу мәдениетіне мән беру керек, – деді ол.