Қазақстан әйелдер құрамасы баскетболдан Аичи-Нагоядағы (Жапония) 2026 жылғы Азия ойындарында жарыс жолына шықты, – деп хабарлайды Aikyn.kz.
Отандастарымыз В тобында өнер көрсетіп жатыр.
Ұлттық құрама алғашқы матчында Филиппинге қарсы ойнады. Төрт кезеңнің қорытындысы бойынша филиппиндік баскетболшылар 86:58 есебімен жеңіске жетті.
Қазақстан сапында Аделя Мұстафина, Александра Петелина, Анастасия Алишаускайте, Анна Безгодова, Валерия Капитонова, Дарья Королева, Дарья Цуканова, Камила Аманжолова, Милана Крутевич, Надежда Яковлева, Оксана Нурбаева, Тамара Нойок ел намысын қорғап жатыр.
Айта кетейік, Қазақстан құрамасы келесі ойынын 20 қыркүйекте Жапонияға қарсы өткізеді.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.