Халық әртісі, әнші Мақпал Жүнісова әлеуметтік желіде видео жариялады, – деп жазды Aikyn.kz.
Әнші үйіне жөндеу жұмыстарын жүргізген құрылысшыларға ренішін білдірді. Айтуынша, бір жыл болмай жатып, үйдің қабырғасы опырыла бастаған.
«Жөндеу жұмысы жасалғалы бері бір жыл да өткен жоқ. Құрылысшылардың жасап кеткен түрі осы. 55 млн теңге жұмсадым осыған. Төрт ай кетті. Миымды шірітіп, төрт ай оларға тамақ беріп, ақшасын төлеп, киіз үйде жатты. Енді үйімнің жан-жағы құлап жатыр. Қалай осылай жұмыс істеуге болады? Бәрі құлап жатыр. Еркегі жоқ, жесір әйел деп басынғаны ма? Ол бригадирді білемін. Бірақ соттасып жүруге уақытым жоқ. Халық білсін деп көрсетіп отырмын», - дейді Мақпал Жүнісова.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.