Алматы облысының Қарасай ауданында, Сәтпаев шыңында (биіктігі 4153 м) Алматы қаласының Мониторинг және жедел әрекет ету орталығының құтқарушылары 22 жастағы туристке көмек көрсетті, – деп хабарлайды Aikyn.kz.
Турист өзін жайсыз сезініп, өздігінен төмен түсе алмаған. Құтқарушылар оны Эко-бекетке дейін түсірді. Әрі қарай ол қалаға өздігінен жол тартты.
ТЖМ ескертеді: таулы жерге шығар алдында дене дайындығыңызды, денсаулық жағдайыңызды және ауа райы жағдайларын ескеріңіз. Өзіңізді жайсыз сезінген жағдайда дереу көмекке жүгініңіз.