ҚР Ұлттық кітапханасында Құрбанғали Халидұлының қолжазба мұрасын сақтау, зерттеу және ғылыми айналымға енгізу мәселелеріне арналған Қазақстан қолжазбатанушылар қауымдастығының VIII отырысы өтті, – деп хабарлайды Aikyn.kz.
Жиынға шығыстанушылар, түркітанушылар, тарихшылар, филологтер, ғылыми орталықтар мен жоғары оқу орындарының мамандары қатысты. Қатысушылар қолжазбаларды зерттеу, транскрипциялау, аудару және еңбектерді ғылыми басылымға дайындау мәселелерін талқылады.
Отырыс барысында «Тауарих-и хамса-и шарқи» («Шығыстың бес елінің тарихы») бес томдық еңбегінің III-V томдары, «Құрбанғали Халидұлы: дерек, тарих, таным» ғылыми жинағы және шығарманың жинақталған нұсқасы таныстырылды.
Жиын соңында мамандар ұлттық жазба мұраны зерттеу мен сақтауға қатысты алдағы жұмыстың бағыттарын талқылады.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.