Республика күніне орай «Болашақ» бағдарламасының стипендиаттары мен шетелде білім алып жүрген қазақстандық студенттер арнайы флешмоб бастады. Әлемнің түкпір-түкпірінде оқып жүрген жастар мерекелік бастамаға қатысып, Қазақстанға деген сүйіспеншілігін білдіруде, - деп хабарлайды Aikyn.kz
Флешмобқа әлемнің жетекші жоғары оқу орындарында білім алып жатқан қазақстандық жастар қатысуда. Олардың қатарында АҚШ-тағы Гарвард, Калифорния университетінің Беркли кампусы және басқа да шетелдік университеттердің студенттері бар.