Шымкенттік "Ордабасы" футбол клубы 2027/2028 жылғы маусымда УЕФА Чемпиондар лигасының іріктеу кезеңін бірінші раундтан бастайды. Клубтың рейтингі төмен болса да жеребе кезінде оның қарсыласы рейтингі жоғары командалардың бірі болуы мүмкін, – деп хабарлайды Aikyn.kz.
Football Meets Data мәліметінше, қазіргі уақытта "Ордабасының" клубтық рейтингі 4,500 ұпай жинаған. Бұл көрсеткіш командаға жеребе кезінде рейтингі жоғары клубтармен бір топқа енуге мүмкіндік бермейді.
Дегенмен бірінші іріктеу кезеңінде шымкенттік клубтың ықтимал қарсыластары қатарында Исландияның "Викингур", Босния және Герцеговинаның "Борац", Әзербайжанның "Сабах", Молдованың "Шериф", Гибралтардың "Линкольн Ред Импс" және Румынияның "Университатя Крайова" командалары бар.
"Ордабасы" 2026 жылы Қазақстан Премьер-лигасының чемпионы атанды. Шымкенттік клуб 29-турда "Жеңіспен" 1:1 есебімен тең түсті. Ал чемпиондыққа үміткерлердің бірі алматылық "Қайрат" "Ақтөбемен" кездесуде 2:2 есебімен тең ойнап, маңызды ұпай жоғалтты.