Биыл қарашада елімізде мемлекеттік мерекелер жоқ. Осыған орай бес күндік жұмыс аптасы бойынша еңбек ететін қазақстандықтар сенбі және жексенбі күндері ғана демалады, – деп хабарлайды Aikyn.kz.
Қараша айында 9 демалыс күні бар. Сонымен қатар осы айдағы кәсіби және атаулы күндер аталып өтіп, салада еңбек ететін мамандарға құрмет көрсетіледі.
Кәсіби мерекелер:
• 5 қараша – Сыртқы барлау күні;
• 8 қараша – Статистика күні;
• 10 қараша – Цифрландыру және ақпараттық технологиялар қызметкерлерінің күні;
• 15 қараша – Ұлттық валюта – теңге күні, Қазақстанның қаржы жүйесі қызметкерлерінің кәсіби мерекесі;
• 21 қараша – Бұрғылаушылар күні;
• 15 қараша – Ауыл шаруашылығы, тамақ және өңдеу өнеркәсібі қызметкерлерінің күні.
Сонымен қатар қараша айында БҰҰ аясында атап өтілетін бірнеше халықаралық күн бар.
Халықаралық атаулы күндер:
• 2 қараша – Журналистерге қарсы қылмыстар үшін жазасыздықты тоқтатудың халықаралық күні;
• 4 қараша – Дүниежүзілік ЮНЕСКО күні;
• 5 қараша – Цунами қаупі туралы ақпарат тарату жөніндегі дүниежүзілік күн, Халықаралық қамқоршылар күні және Роман тілінің дүниежүзілік күні;
• 6 қараша – Соғыс пен қарулы қақтығыстар кезінде қоршаған ортаны пайдаланудың алдын алудың халықаралық күні;
• 10 қараша – Дүниежүзілік ғылым күні;
• 12 қараша – Дүниежүзілік пневмониямен күрес күні;
• 14 қараша – Дүниежүзілік сапа күні, Дүниежүзілік қант диабетімен күрес күні және Мәдени құндылықтардың заңсыз айналымына қарсы күрестің халықаралық күні;
• 15 қараша – Сегіз миллиард адам күні;
• 16 қараша – Халықаралық толеранттылық күні және Дүниежүзілік мұраның халықаралық күні;
• 17 қараша – Жол-көлік оқиғалары құрбандарын еске алудың дүниежүзілік күні;
• 18 қараша – Ислам өнерінің халықаралық күні;
• 19 қараша – Дүниежүзілік дәретхана күні және Балаларға қатыгездік көрсету мен оларға қамқорлықтың болмауының алдын алудың дүниежүзілік күні;
• 20 қараша – Дүниежүзілік балалар күні және Африканы индустрияландыру күні;
• 21 қараша – Дүниежүзілік телевидение күні және Халықаралық философия күні;
• 25 қараша – Әйелдерге қатысты зорлық-зомбылықты жоюдың халықаралық күні.
• 29 қараша – Палестина халқымен ынтымақтастықтың халықаралық күні және Халықаралық ягуар күні;
• 30 қараша – Химиялық соғыс құрбандарын еске алу күні.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.