Еңбек ұжымдарымен жүздесу салалардың даму келешегімен қатар, тұрғындарды күнделікті толғандыратын мәселелерді де талқылауға мүмкіндік береді. Атбасарда осындай кездесу теміржол вагондарын жөндеумен айналысатын «Аждар и К» ЖШС-да өтті.
Жиынға «Әділет» партиясынан Ақмола облыстық мәслихатының депутаттығына үміткер Вероника Гендик, Атбасар аудандық сайлауалды штабының және партияның облыстық саяси кеңесінің мүшесі, кәсіпорынның бас инженері Бауыржан Калиаскарович Исмагулов, сондай-ақ партияның Атбасар аудандық филиалының төрағасы, №7 бір мандатты сайлау округі бойынша аудандық мәслихат депутаттығына үміткер Назгүл Жакишева қатысты.
Өндіріс тақырыбынан кейін қала инфрақұрылымы мен әлеуметтік сала мәселелері қозғалды. Вероника Гендик Президент Жолдауында белгіленген міндеттерді орындау үшін өңірлерде кешенді жұмыс қажет екенін айтты. Оның сөзінше, кәсіпорындарды дамытумен қатар жолдарды жөндеп, инженерлік желілерді жаңартып, медициналық көмектің қолжетімділігін арттыру маңызды. Кәсіпорын қызметкерлері үшін көлік-логистика жүйесінің дамуы ерекше мәнге ие. Вагондардың техникалық жарамдылығы жүктің сенімді тасымалдануына әсер етеді.
Сондықтан вагон жөндеу кәсіпорындарының жұмысы бүкіл саланың тұрақты қызметімен тығыз байланысты. Бұл мәселелер үміткердің қоғамдық қызметімен де сабақтас. Вероника Гендик партиялық бастамаларды жүзеге асыруға, азаматтардың өтініштерін қарауға және әлеуметтік-экономикалық даму мәселелерін талқылауға қатысып келеді.
«Президент Жолдауында еліміздің көлік-логистика жүйесін дамытудың маңызын атап өтті. Бұл бағыт Атбасар үшін де, теміржол саласындағы кәсіпорындар үшін де өзекті. Өндірісті дамыту, инфрақұрылымды жаңарту, жолдарды жөндеу, медициналық көмектің сапасы мен қолжетімділігін арттыру бағытында кешенді жұмыс жүргізу қажет. Мұның бәрі адамдардың күнделікті тұрмысына тікелей әсер етеді. Алдағы сайлауға қатысып, азаматтық ұстанымдарыңызды білдіруге және саналы таңдау жасауға шақырамын», – деді «Әділет» партиясынан Ақмола облыстық мәслихатының депутаттығына үміткер Вероника Гендик.
Сайлауалды жұмыс облыстың өзге қалаларында да жалғасуда. Степногорде Ақмола облыстық мәслихатының депутаттығына үміткер Болат Абдрахманов сайлауалды штаб мүшелерімен бірге «Нефтяной дом "Астана Ойл“» ЖШС еңбек ұжымымен кездесті.
Үміткер сайлауалды бағдарламасының негізгі бағыттарын таныстырып, өңірдің әлеуметтік-экономикалық дамуына қатысты міндеттер мен бастамаларға тоқталды. Кәсіпорын қызметкерлері өздерін толғандырған сұрақтарын қойып, өзекті мәселелер жөнінде пікір алмасып, ұсыныстарын жеткізді.
«Алдымызда ауқымды әрі жан-жақты жұмыс тұр. Мемлекет басшысы Жолдауында ел дамуының басым бағыттарын айқындап берді. Ауыл тұрғындарының тұрмысы да назардан тыс қалмайды. Біздің мақсатымыз – шағын қалалар мен ауылдардағы халықтың өмір сапасын жақсарту. Президент Жолдауы – бізге бағыт-бағдар беретін құжат. Онда өңірлерде қай салаларға басымдық беру керектігі нақты көрсетілген. Депутаттар да өз сайлау округтерінде осы міндеттерді басшылыққа алып жұмыс істеуі қажет», – деді Ақмола облыстық мәслихатының депутаттығына үміткер Болат Абдрахманов.
Атбасар мен Степногордегі кездесулер Ақмола облысының қалалары, аудандары мен ауылдарында өтіп жатқан сайлауалды науқан аясында ұйымдастырылды. Еңбек ұжымдары өндірісті өркендету, инфрақұрылымды жақсарту және халыққа қолайлы тұрмыс жағдайын жасау мәселелерін көтеруде. Олардың ұсыныстары үміткерлерге әр елді мекен тұрғындарының нақты сұраныстарын білуге мүмкіндік береді.
Дайындаған: «Әділет» партиясының Ақмола облыстық филиалының баспасөз қызметі.
Тапсырыс беруші: Беспалинов Б.М.
Ақмола облыстық мәслихаты депутаттарының сайлауында партиялық тізімді ұсынған «Әділет» партиясы» ҚБ сайлау қорының қаражатынан төленді.