Польшаның Краков қаласының орталығында қарулы шабуыл болып, алты адам қаза тапты, тағы 15 адам жарақат алды, деп хабарлайды Aikyn.kz Reuters агенттігіне сілтеме жасап.
Оқиға 7 қарашада жергілікті уақыт бойынша сағат 15:00 шамасында болған. Қарулы ер адам көлігімен қаланың басты туристік орындарының бірі – Орталық базар алаңына кіріп, адамдарға оқ жаудырған.
Қаза тапқандардың төртеуі – әйел, екеуі – ер адам. Жараланғандардың арасында екі полиция қызметкері бар. Полиция шабуыл жасаған Польша азаматын ұстады. Күдікті тәртіп сақшыларымен атыс кезінде жараланып, ауруханаға жеткізілген. Оның көлігінен қосымша қару-жарақ пен оқ-дәрілер табылған.
Польша премьер-министрі Дональд Туск оқиғаны террористік акт деп атап, құқық қорғау органдары шабуылдың себептері мен мән-жайын анықтап жатқанын мәлімдеді.