Білім және ғылым министрі Орталық коммуникациялар орталығында брифинг өткізді.
Министрдің айтуынша, 6 сәуірден бастап мектеп оқушылары үшін интернет қызметі тегін болады.
Министрдің айтуынша, мектептердегі компьютерлер оқушылардың үйіне таратылып жатыр.
Әсіресе, Нұр-Сұлтан, Алматы қаласындағы мектептерде іске асып жатыр.
Сонымен қатар компьютері жоқ мұғалімдер мәселесі де шешімін табады.
Айта кетейік, Қазақстанда мектеп оқушылары үшін 16 наурыздан бері жан-жақты жұмыстар жүргізіліп жатыр.
Оқыту құралы ретінде видео-сабақтар, дербес онлайн жұмыс, онлайн курстар пайдаланылады. Бізде Bilimland, Google Classroom, MOODLE, Univer, Platonus, Canvas, Daryn.onlinе жүйелері бар. Сондай-ақ Coursera өз курстарын тегін ұсынды және ZOOM оқыту барысында сервисті тегін пайдалануға жағдай жасады.
