Коронавирус диқаншылардың жолына бөгет бола алмайды – Жигули Дайрабаев

Бүгінде еліміздің үлкен қалалары карантинге жабылып, төтенше жағдай жарияланғаны бәріне белгілі. «Жұмыла көтерген жүк жеңіл» дегендей, бір үкіметке арқа сүйеп «маған бүйт, сөйт» дегенді қою керек. Жауапкершілікті сезініп, қолдағы бар резервті қолданып, жоқтан бар жасай отырып, бұл тығырықтан жол тауып шығуымыз керек» деген Қазақстан Фермерлер Одағының төрағасы Жигули Дайрабаев қазір Алматы мен Нұр-Сұлтанның төңірегіндегі шаруашылықтар арнайы рұқсаттарын алып, қаланы азықпен қамтып отырғанын жеткізді. [caption id="attachment_31960" align="alignleft" width="371"] ©Сурет интернеттен алынды[/caption] – Соңғы күндері Facebook-тің парақшасында «дүкенге барсам, жабық екен», «айран ала алмай қалдым», «нан жоқ екен», «ұн таусылыпты» деген балағаттап жазған жазабаларды байқадым. Бұл деген қолданушылардың мәдениетсіздігін көрсетеді. Әрине, «бес саусақ бірдей емес». Мұндай жағдайда халықтың кішкене болса да төзімділік пен шыдамдылық танытқаны дұрыс. Шыны керек, ауыл еңбеккерлері үлкен қалаларды сүтпен, маймен, қажетті азықпен қамтылуда. Соған орай 70 млрд-қа жуық қаржы бөлінді, – дейді Жигули Дайрабаев.

Оның айтуынша, Қазақстанда екі жүз он екі мыңға жуық шаруақожалық пен фермерлер бар. Қазір Солтүстіктен басқа жылымық түскен облыстарда егістік басталып кеткен. «Оңтүтікте жаппай көктемгі дала жұмыстары жүріп жатыр. Мәселен, Жамбыл облысында қант қызылшасы, арпа себуін бастады. «Көктемгі әрекет – күзгі берекет» дегендей ауыл адамдары дән екпесе, өнім болмайды. Ол дегеніміз – мемлекеттің әлсіреуі.  Себебі, мемлекеттің негізі – ауыл. Ол болмаса, қала тұрғындары азықсыз қалады. Сондықтан диқаншылар уақытпен санаспай, күндіз түні егінін егіп, жерін өңдеп жатыр. Өкімет те қарап жатқан жоқ. Ауыл шаруашылыққа байланысты қиындықтарды шешуге «Антикризисный комитет», сақтандыру қорлары, Ауыл шаруашылық министрлігі атсалысуда.