Қызылорда қаласында коронавирус инфекциясының таралуына байланысты, оның алдын алу мақсатында қарқынды шаралар қабылдануда:
- Елдегі қазіргі жағдайын ескере отырып, азық-түлік тауарларын, дәрілік заттарды, медициналық бұйымдарды, сондай-ақ халықтың тыныс-тіршілігін қамтамасыз етуге арналған тауарларды шығаратын өнеркәсіптік, ауыл шаруашылығы кәсіпорындарының жұмысын қамтитын автокөліктерді қоспағанда, 14 тәулікке авто, әуе көлігі қала аумағына кіруге және шығуға тыйым салынады.
- Қызылорда қаласының станциясына жүк және басқа жолаушылар қатынастарының қызметі 1 сәуірден бастап тоқтатылады.
- Діни үйлердің, балабақшалардың, базарлардың, сауда үйлерінің, азық-түлік емес сауда орталықтарына қызмет көрсететін кәсіпкерлік құрылымдардың барлық түрі, оның ішінде: жеке тұрған азық-түлік емес дүкендердің, автосалондардың, автоқосалқы бөлшектер сату салондарының, гүл павильондарының, химиялық тазартулардың, кір жуу орындарының, фотоательдердің, фотосалондардың, оптикалардың, ломбардтардың, жылжымайтын мүлік жөніндегі агенттіктердің, техникалық қызмет көрсету станцияларының, сауналардың, фитнес-клубтардың, тренажер залдарының, спорт кешендерінің, бассейндердің, сұлулық салондарының, спа-орталықтардың, студиялардың, компьютерлік және интернет клубтар, букмекерлік конторалар, бильярд клубтары, үй-жайлардағы балалар ойын алаңдары, тәуліктік пәтерлер мен үйлер, қонақүй кешендері және басқа да халық көп шоғырланған нысандардың жұмысы уақытша тоқтатылады.
- Азық-түлік гипермаркеттерінің, оптомаркеталарының, супермаркеттердің, минимаркеттердің, дүкендердің, азық-түлік сөрелерінің, дәріханалардың және бірінші кезекте қажетті тауарлар саудасының жұмысын күшейтілген санитарлық-дезинфекциялық режиммен жұмыс жасайды.
- Мейрамханалардың, дәмханалардың, асханалардың және басқа да қоғамдық тамақтану объектілерінің жұмысын "Клиенттерге дейін жеткізу" қағидаты бойынша сағат 10-00-ден 20-00-ге дейін күшейтілген санитарлық-дезинфекциялық режиммен жұмыс істейді.
- Ал шаштараз және автожуу бекеттері сағат 10.00-ден 18.00-ге дейін жұмыс жасайды.
- Санитарлық нормалар күшейтілді. Дезинфекция барлық әлеуметтік нысандарда, вокзалдар, автовокзалдар мен базарларда, сауда ойын-сауық орталықтарында, тұрғын үй кешендерінің кіреберістерінде, қонақүйлерде, аялдамаларда, автобустарда күшейтілген режимде жүргізілуде.
Елімізде жарияланған төтенше жағдайға орай қала әкімдігі жанынан құрылған мобильдік топтар тәулік бойы тиісті нұсқаулыққа сәйкес қауіпсіздік шараларын жан-жақты жүргізуде.
Бұл шаралар Сіздердің қауіпсіздіктеріңіз үшін қабылданып отыр. Баршаңызды ресми ақпарттарға назар аударып, үйден шықпауға, талаптарды қатаң сақтап, түсіністік танытуларыңызды сұраймын.
Миуа Байназар,