Гүлшара Әбдіқалықованың орнына комитеттің жаңа төрағасы сайланды

Гүлшара Әбдіқалықованың орнына комитеттің жаңа төрағасы сайланды
Фото: Интернеттен алынды

Мәжілістің Әлеуметтік-мәдени даму комитетінің жаңа төрағасы сайланды.

Парламент Мәжілісінің Әлеуметтік-мәдени даму комитетінің төрағасы қызметіне депутат Бейбіт Мамраев сайланды.

«Комитет төрағасы лауазымына Бейбіт Баймағамбетұлы Мамраевтың кандидатурасын ұсынамын. Б. Баймағамбетұлын жақсы білесіздер, бұған дейін көптеген жауапты қызметтерді абыроймен атқарды. Соңғы бірнеше жыл бойы Мәжіліс депутаты, соның ішінде осы Әлеуметтік-мәдени даму комитетінің хатшысы болып, маңызды заңдарды қабылдауға өз үлесін қосып келеді. Осы салада білімі де, тәжірибесі де мол. Сондықтан аталған комитетті басқару үшін Бейбіт Баймағамбетұлы лайықты деп есептеймін», – деді Мәжіліс төрағасы Нұрлан Нығматулин.

Айта кетейік, бұған дейін аталған комитеттің төрағасы қызметін Гүлшара Наушақызы Әбдіқалықова атқарған болатын.

Жуырда Президент Қасым-Жомарт Тоқаевтың Жарлығымен Гүлшара Наушақызы Әбдіқалықова Қызылорда облысының әкімі болып тағайындалды.

Aikyn.kz | Бүгінгі жаңалықтар. Әлем және Қазақстан жаңалықтары.