Сауда министрлігі, Ауыл шаруашылығы және Ұлттық экономика министрлігі Қазақстан Республикасында төтенше жағдай кезінде «Әлеуметтік маңызы бар азық-түлік тауарларына шекті бөлшек сауда бағасын енгізу туралы» бірлескен бұйрыққа қол қойды. Бүгінгі күннен бастап мынадай тауарларға шекті бағалар белгіленуде: 1) бірінші сортты бидай ұны, 2) бірінші сортты ұннан жасалған бидай наны (пішінді), 3) рожки (өлшеніп салынатын), 4) қарақұмық жармасы (дән, өлшеніп салынатын), 5) тазартылған күріш (домалақ дәнді, өлшеніп салынатын), 6) сиыр еті (сүйекті жауырын-төс бөлігі), 7) тауық жұмыртқасы (I санатты), 8) күнбағыс майы, 9) ас тұзы («экстра»-дан басқа). Соңғы айда Қазақстанның азық-түлік тауарларына деген сұранысын талдау нәтижесінде бұл тауарлар ең көп сатып алынатыны анықталды. Соған байланысты, ағымдағы жылдың басынан бастап дәл сол азық-түлік бағасы өсті. Бағалар әр аймаққа жеке белгіленеді. Нұр-Сұлтан қаласында 1-ші сұрыпты ұннан 1 килограмм нан ең көп дегенде 150 теңге, Алматыда – 146 теңге, Шымкент қаласында – 146 теңге тұратын болады. Өңірлерде: Маңғыстау облысында – бір килограмм нан үшін 164 теңге, Ақтөбе облысында – 147, Атырау облысында – 164, Ақмола облысында – 160, Қостанай облысында – 139, Қызылорда облысында – 143, БҚО – 160, ШҚО – 150, Павлодар облысында – 161, СҚО – 120, Алматы облысында – 144, Жамбыл облысында – 138, Түркістан облысында – 148. Қарағанды облысында шекті бағалар елді мекендерге байланысты белгіленген. Онда 1 кг нанның құны ажыратылады: 142 теңгеден 160 теңгеге дейін. ӨТЕ МАҢЫЗДЫ! БАҒАСЫ БІР КИЛОГРАММ НАН ҮШІН ОРНАТЫЛҒАН! Бірақ бір бөлке нан (кірпіш) – 550 грамм. Осылайша, нан бөлкесінің (кірпіштің) құны, мысалы, Нұр-Сұлтан қаласында – 82,5 теңгеден, Алматы және Шымкент қалаларында – 80,3 теңгеден аспайды. Әлеуметтік маңызы бар азық-түлік тауарларына рұқсат етілген шекті бөлшек сауда бағаларының мөлшерін арттыру 265 100 теңгеден 530 200 теңгеге дейін айыппұл түрінде жазаға әкеп соғады! Сауда және интеграция министрлігі BTS компаниясымен бірлесіп «карантин кезеңіндегі тауар қауіпсіздігі» web-платформасын әзірледі (www.dosmart.kz). Платформа онлайн режимде әлеуметтік маңызы бар азық-түлік тауарларының бағасын мониторингілеуге және әрбір өңірдегі қоймалардағы осы тауарлардың қалдық саны туралы мәліметтерді көруге мүмкіндік береді. Бұл азық-түліктің уақтылы аймақаралық ағынын қамтамасыз етуге мүмкіндік береді. Платформаға деректерді жергілікті атқарушы органдар да, өндірушілер де, көтерме сатушылар мен ритейлерлер де енгізе алады. Сонымен қатар, дүкендердегі бағалар туралы ақпаратты қарапайым сатып алушылар да бере алады. Осы уақытқа дейін тұтынушылардан ішкі нарықтағы бағалар туралы ақпарат жедел желіге келіп түскен қоңыраулар мен телеграмма-канал хабарламалары негізінде талданды. Осылайша, мемлекеттік органдар онлайн бақылауды ғана емес, сондай-ақ әлеуметтік маңызы бар тауарларға бағалар мен қорларды Автоматты талдаумен қамтамасыз етілетін болады. Біз барлық азаматтарды мониторингтің негізін құру үшін www.dosmart.kz жаңа «карантин кезеңіндегі тауар қауіпсіздігі» веб-платформасын пайдалануға шақырамыз.