Ауа райының нашарлауына байланысты екі өңірде ескерту жарияланды, деп хабарлайды «Қазгидромет» РМК. 10 сәуір күні күндіз Маңғыстау облысының кей жерлерінде шаңды дауыл күтіледі. Шығыстан, оңтүстік-шығыстан жел соғып, күші кей жерлерде 15-20 м/с жетеді. 9-10 сәуір түнде Алматы облысында ауа температурасы 0-5 градусқа дейін күрт төмендейді, солтүстік және таулы аймақтарда -5 аяз болады.