Қызылорда облысының құқық қорғаушылары аударылған автокөлігін тастай қашқан браконьерлерді іздестіріп жатыр.
Орман шаруашылығы және жануарлар дүниесі комитетінің баспасөз хатшысы Сәкен Ділдахмет Facebook парақшасында: «2020 жылдың 11 сәуірінде сағат 10.00 шамасында рейд жүргізіп жүрген инспекторлар Қызылорда облысының Досан ауылының маңында қаладағы блок-постты айналып кетіп бара жатқан Тойота Ленд Крузер маркалы екі көлікті байқап қалған. Автокөліктердің жүргізушілері «Охотзоопром» қызметкерлерін байқап қалғаннан кейін күріш егілген даламен із суытып кетпек болған. Қуғын кезінде көліктердің бірі аударылып қалғанымен ондағылар екінші көлікке мініп алып, қашып кеткен», – деп жазды.
Аударылып қалған автокөлікті тексеру кезінде бірнеше 54 киіктің тұтас еті мен 224 мүйіз, МР-153 маркалы аңшы қаруы, 25 патрон мен пышақ, дүрбі табылған.
[caption id="attachment_34962" align="alignnone" width="800"]