– Шымкент қаласындағы 4 ауданға 25 сарбаздан бөлінді. Олар 13 сәуір мен 14 мамыр аралығында залалсыздандыру жұмыстарына көмектеседі. Сарбаздарды тасымалдау мен тамақтану мәселелері шешілген, – деп атап өтті қала әкімінің орынбасары Алмасбек Кеңесбекұлы.Төтенше жағдай кезінде қала бойынша әзірге мұндай шараларға 100 азамат қабылданған. Қиын-қыстау кезде Мемлекет басшысының үндеуіне құлақ асқан жастар залалсыздандыру мен басқа да жұмыстар атқарады. Бұл жолы 35 жасқа дейінгі азаматтар тартылды. Шымкент қалалық әскери комиссариятында арнайы медициналық комиссия жасақталып, үміткерлерді сараптамадан өткізген. Сынақтан өткен запастағы сарбаздар төтенше жағдай уақытында әскер қатарында болады. Ал жұмысы бар еріктілердің айлық жалақысы сақталады. Жұмысқа кіріскен еріктілер мұндай қадамға пайда үшін емес, Отанға қызмет үшін барғанын айтты.
Назгүл НАЗАРБЕК, Шымкент қаласы