Атмосфералық фронталды бөліктердің өтуіне байланысты 22 сәуір күні республиканың кей жерлерінде жаңбыр, найзағай, екпінді жел, шанды дауыл, солтүстікте тұман күтіледі, – деп хабарлайды «Қазгидромет» РМК. Атап айтқанда, күндіз Қостанай облысының басым бөлігінде 15-20 м/с жылдамдықпен жел соғып, екпіні 23 м/с дейін күшейеді. Кей жерлерінде тұман түсуі ықтимал. Маңғыстау, күндіз Қарағанды, Шығыс Қазақстан, Ақтөбе, Атырау, Қызылорда облыстарының кей жерлерінде желдің жылдамдығы 15-20 м/с дейін артады. Атырау, Қызылорда облыстарында шаңды дауыл соғады. Батыс Қазақстан облысында жел 15-20 м/с дейін күшейеді, күндіз кей жерлерінде бұршақ жаууы мүмкін. Солтүстік Қазақстан, Ақмола облыстарының кей жерлерінде тұман түседі деп күтілуде. Күндіз желдің күші 15-20 м/с дейін артуы ықтимал.