Нұр-Сұлтанда бір тәулік ішінде санитарлық нормаларды бұзған 15 нысан жабылды
Нұр-Сұлтанда бір тәулік ішінде санитарлық нормаларды бұзған 15 нысан жабылды
© Сурет Нұр-Сұлтан қаласы әкімдігінің сайтынан
Нұр-Сұлтанда полицейция қызметкерлері эпидемиологтармен, әкімдіктің қызметкерлерімен бірге қызметі рұқсат етілген нысандарда санитарлық нормалардың сақталуын күнделікті тексеріп, рейдтер жүргізіп жатыр, – деп хабарлады елорда әкімдігінің сайты. Қызметкерлерін қорғаныс құралдарымен, орталықтандырылған тасымалдаумен қамтамасыз етпей, дезинфекция жұмыстарын жүргізбегені үшін 15 нысанның қызметі тоқтатылды. Жұмысы тоқтатылған нысандардың қатарында құрылыс компаниялары, тапсырыспен айналысатын мейрамханалар мен қонақ үй бар. [caption id="attachment_37681" align="alignnone" width="1280"] width= © Сурет Нұр-Сұлтан қаласы әкімдігінің сайтынан[/caption] Елорда компанияларының басым бөлігі санитарлық-эпидемиологиялық талаптарды қатаң сақтап жатыр. Жұмыс уақыты таңғы сағат 9-дан кешкі 18-ге дейін (бұл тамақ тасымалдайтын орындарға қатысты емес). Қызметкерлерді тасымалдау ұйымдастырылды. Олар арнайы киіммен, қорғаныс құралдарымен қамтамасыз етілді. Қызметкерлер санитарлық өңдеуден өтеді.
«Бұл қалада қалған адамдар. 50%-дан астамы аудандарға кетті. Жұмысқа жақын жерде тұратын қызметкерлер шығып жатыр. Таңертең сағат 9-ға дейін және кешкі сағат 18-ден кейін қызметкерлер тепловизорда ЖРВИ белгілерінің бар-жоғына тексеріледі. Штатқа жұмысшыларды тексеріп тұратын медицина саласының қызметкерлері қабылданды. Кіреберісте контролёр әрбір клиентті тепловизорда тексеріп тұрады», – деді «Мегастрой» құрылыс гипермаркеті директорының орынбасары Оксана Сухорукова.
[caption id="attachment_37682" align="alignnone" width="1280"] width= © Сурет Нұр-Сұлтан қаласы әкімдігінің сайтынан[/caption] Гипермаркетке кіре берісте арнайы белгі жасалды. Санитарлық нормаларды сақтауға ыңғайлы болу үшін адамдар арасындағы ара қашықтық – екі метр.
«Сатып алушылар кезекпен кіреді. Бізде жеті касса жұмыс істейді. Кассада 2-3 клиенттен артық болмауын қадағалаймыз. Дәліз толығымен дезинфекцияланады. Залда санитайзерлер орнатылды. Клиенттерге маскамен кіруге ғана рұқсат. Сағат сайын дезинфекция жұмыстары өткізіліп тұрады», – деді О. Сухорукова.
Санитарлық нормалар мен карантин режимін сақтамаған жағдайда елордада нысандарының қызметі тоқтатылады. Елордада коронавирустың таралуына жол бермеу мақсатында қатаң ережелер қабылданды.