«Ақ жол» партиясынан президенттікке үміткер Дания Еспаеваның республикалық штабы сайлау науқаны аясында Маңғыстау облысына келді. Партия төрағасы Азат Перуашев пен Мәжіліс депутаты Берік Дүйсенбинов Қошқар ата бейітіне барып, Танаш Меңдібайұлының әруағына құран бағыштады. Содан соң штаб басшылары Маңғыстау өңіріндегі «Қазақ – Бекіре» ЖШС ұжымымен кездесті.
ҚЫҰ Демократиялық институттар және адам құқықтары жөніндегі Бюросынан келген кезектен тыс Перезиденттік сайлауды бақылаушы Александр Бедрицкий және Шила Джагабпен сұхбаттасты.
Holiday Inn Aktau қонақүйінің мәжіліс залында «Ақ жол» ҚДП Маңғыстау облыстық филиалының ұйымдастыруымен, штаб басшылары Маңғыстау халқымен кездесті. Кездесуге, партия төрағасы, Мәжіліс депутаты Азат Перуашев, партия төрағасының орынбасары, Мәжіліс депутаты Берік Дүйсенбинов, «Ақ жол» партиясының Маңғыстау облыстық филиалының төрағасы Жаңбырбай Матаев, филиалдың Кеңес мүшелері, өңірдің жас кәсіпкерлері, «Ақ жол – жастар» жастар қанатының мүшелері мен БАҚ өкілдері қатысты.
Кездесуде партия төрағасы Азат Тұрлыбекұлы партияның бағыт-бағдарын, президеттікке үміткер Дания Мәдиқызының сайлауалды бағдарламасының мақсатымен таныстырды. Сондай-ақ кездесуге жиналғандар көкейінде жүрген сұрақтарын қойып, пікір алмасты.
Шара соңында күйші Набияр Алтаев күмбірлете күй төксе, «Ақ жол – жастар» жастар қанатының мүшесі Еркебұлан Қуанғали халық термесін орындады. Сонымен қатар штаб басшылары Маңғыстау облысындағы Ақтау тарнсформатор зауытының жұмысымен танысып, қызметкерлерімен кездесті.
Айдана БЕГІМ