Қарттарға карантинге бейімделуге көмектеседі

Қарттарға карантинге бейімделуге көмектеседі
Фото: Интернеттен алынды

Талдықорғандық зейнеткерлер онлайн-режимге көшті. Олар ғаламтордың көмегімен сауда жасауды үйренді.

Спортпен де онлайн режимде айналысуды меңгеріп жатыр.

«Достар» Зейнеткерлер клубы 2019 жылдың күзінде ашылды, оның бастамашысы – Талдықорған аймақтық жұмыспен қамту қорының арқасында  «Әрекет» әлеуметтік кәсіпкерлікті дамыту жобасында жеңіске жетті. Сол кезде Қор Samruk-Kazyna Trust әлеуметтік жобаларды дамыту қорынан 3 000 000 теңге көлеміндегі грантқа ие болды.

«Достар» клубының қызметі қарт адамдардың бос уақытын ұйымдастыруға бағытталған. Оның қатысушылары фитнес, йога, скандинавиялық әдіспен жаяу жүрумен шұғылданып, компьютерлік сауаттылығын арттыруда.

Мұнда 50-ден 80 жасқа дейінгі әлеуметтік жағынан осал топқа жататын әйелдерге тегін. Екінші бөлігі ақылы топтарға барады. Сабаққа айына 6 000 теңге төлейді. Барлық бағдарламалар қарт адамдар үшін арнайы бейімделген: рұқсат етілген әдістеме әзірленді, олармен егде адамдардың ерекшелігін білетін арнайы оқытылған жаттықтырушылар айналысады.

Елде коронавирустың пандемиясына байланысты төтенше жағдай жарияланғанда, клуб жаңа шындыққа тез бейімделіп, онлайн-жұмысқа көшті. Оның барлық дерлік қатысушысы бейнебайланыс үшін жаңа қосымшаларды пайдалануды үйренді және сабақты үйреншікті режимде, әркім өз үйінен жалғастырды.

 

спорт, карантин, Талдықорған, достар клубы, Самұрық Қазына

Рафие Галиуллина 62 жыл, ол көп жыл жергілікті сүт зауытында бас бухгалтер болып жұмыс істеді. Зейнеткерлікке шыққаннан кейін оның белсенділігі азайған жоқ, оның айтуы бойынша өзінің сүйікті сабақтарына көп уақыт бөледі. Рафия Мажитқызы өзінің бақшасын күтуде, кітаптар оқиды, ал жақында ғана скандинавиялық жаяу жүру және йогамен айналыса бастады.

«Біз 2019 жылдың күзінде скандинавиялық жаяу жүрумен айналыса бастадық. Біз тек физикалық форманы сақтап қана қоймай, жаңа адамдармен таныстық. Қыста йогамен айналысуды шештім. Қазіргі заманғы технологиялардың арқасында, карантиннің басталуымен біз сабақты тоқтатпадық, керісінше өте ыңғайлы жүйе – онлайн-режимге көштік. Клубқа келгеннен бері, менің өмірімнің сапасы жақсарды. Мен өзімді бұрынғыдан жақсырақ сезінемін, денсаулығым нығайды, дүниетанымы да өзгерді», – дейді Рафия Мажитқызы.

«Достар» клубы – коммерциялық емес ұйым әлеуметтік мәселені кәсіпкерлік тәсіл арқылы шеше алатын әлеуметтік кәсіпкерліктің үлгісі.

«Біз осы жобамен қарт адамдардың жұмыспен қамтылуы мен бос уақытын өткізу мәселесін шешудеміз. Олар сабаққа қуана қатысады, осылайша өздерін сауықтырады, бірақ ең бастысы, олар бір-бірімен араласып жаңа таныстықтарға ие болуда. Біздің клубқа шамамен 40 адам келеді. Кейбіреулері жақын жатқан ауылдардан қатынайды. Клуб ақылы топтардан түскен табыс қосымша құрал-жабдықтарды сатып алуға жұмсалады», – дейді «Талдықорған аймақтық жұмыспен қамту қорының» директоры Светлана Сәдуақасова.

Карантиннен кейін, клуб штаттық режимде жұмыс істейтін болады, ал әзірге қауіпсіздік шараларын сақтай отырып, мессенджерде чаттар ұйымдастырылған, онда қатысушылар қарым-қатынасты қолдайды, кеңестермен бөліседі, өз қолдарымен жасалған заттарды көрсетеді. Клубтың көптеген қатысушылары тіпті банк карталарын ашып, үйден артық шықпау үшін онлайн төлем жүргізуді үйренді.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.