1909 жылы туған Минохмет Шакиров Қызыл әскердің құрамында болған. Ұлы отан шайқасында ол полкімен бірге 15 күн бойы қарсыластың қоршауында болған. Сол кездерде оларда ішіп-жейтін ештеңе қалмады. Соған қарамастан саз батпақ пен су кешіп өтсе де, Минохмет Шакиров «Максим» пулеметін өз иығынан түсірмеді. Қолындағы бар-жоғы үш жолақ оғымен немістің екі ротасына қарсыласқан. Себебі, жау біздің әскер орналасқан Шура ауылына шабуылға шыққан. Ұрыс алаңында Минохмет жауды 50 метрге жақындатып, тас-талқанын шығарды. Пулеметтің қаруланған бір жиынтығымен-ақ қарсыластың елуін құлатқан. Сөйтіп, қалған оғын жаратпай, винтовкасымен жаудың қайта шабуылдауын күтті. Түс ауа сағат 14.00-де немістер қайта шабуылдады. Әскердің қолдауын күтпей Минохмет Шакиров қасына 11 жауынгерді алып, «Отан үшін алға!» деген ұранмен шабуылға шықты. Қарсыласпен жекпе-жекке шыққан ол сарбаздың 12-сін құлатады. Әлгі жерде командирін тұтқынға әкетіп бара жатқанын көріп, оны қорғап қалады. Сол уақытта 2 эскадрон көмекке келіп, әскеріміз жеңіске жетеді.