Бүгін бірнеше өңірде ауа райы құбылмалы болады
Бүгін бірнеше өңірде ауа райы құбылмалы болады
фото: ашық дереккөз
17 мамырда Қазақстанның басым бөлігінде ауа райы құбылмалы болады. Республика бойынша кей жерлерде найзағай жарқылдап, жаңбыр жауады, желдің күшеюі күтіледі, солтүстік-батыста түнде және таңертең тұман түсуі ықтимал, – деп хабарлайды «Қазгидромет» РМК. Жексенбіде Ақмола, Қостанай облыстарының кей жерлерінде желдің жылдамдығы 15-20 м/с жетеді, түнде және таңертең тұман түсуі мүмкін. Солтүстік Қазақстан, Жамбыл, Батыс Қазақстан, Түркістан облыстарының кей жерлерінде жел 15-20 м/с күшейеді, Түркістан облысында дауыл күтіледі, бұршақ жаууы ықтимал. Шығыс Қазақстан, Ақтобе, Павлодар облыстарының кей жерлерінде жел тұрады, екпіні 20 м/с, Павлодар облысында түнде желдің күші 23 м/с дейін жетеді. Маңғыстау облыстарының кей жерлерінде тұман күтіледі. Қызылорда облысында таңертең және күндіз кей жерлерде желдің жылдамдығы 15-20 м/ болады. Шығыс Қазақстан облысының кей жерлерінде өте жоғары өрт қаупі сақталады.