Forbes дүние жүзіндегі ең бай адамдардың жағдайы пандемия кезінде қалай өзгергенін есептеді
Forbes дүние жүзіндегі ең бай адамдардың жағдайы пандемия кезінде қалай өзгергенін есептеді
фото: ашық дереккөз
Forbes журналы дүние жүзіндегі ең бай 25 адамның жағдайы коронавирус пандемиясы кезінде қалай өзгергенін есептеді, - деп хабарлайды РИА Новости. Басылым мәліметінше, олар 23 наурыз бен 22 мамыр аралығында 255 миллиард доллар қаржы тапқан. Коронавирус пандемиясы кезінде табысқа кенелген Facebook әлеуметтік желісінің негізін қалаушы Марк Цукерберг болып шықты. Оның табысы 31,4 миллиард долларға өскен - 86,5 миллард долларға дейін. Компания акцияларының құны 60 пайызға өскен. Amazon ретейлерінің негізін қалаушы Джефф Безостың табысы 29,9 миллиард долларға өскен: жалпы - 146,9 миллиард доллар. Дүние жүзіндегі ең бай 25 адамның жиынтық табысы бір жарым триллион долларға жеткен. Forbes журналистерінің сөзінше, бұл журнал тізіміндегі барлық миллиардерлер жағдайының 16 пайызы.