Шеберлер байқауы
Шеберлер байқауы

Түрістан облысының 1 жылдық мерейтойына арналған Turkіstan ART fest жас дизайнерлер, суретшілер мен мүсіншілер, сәулетшілер, зергер және қолөнерші жастар арасында облыстық байқау өтті. Байқауда өңірдің өнерлі жастары өздерінің қолынан шыққан 100-ден астам туындысын көрмеге қойды.

Өңірдің жастары қатысқан байқау Түркістан қаласындағы «Есімхан» алаңында өтті.

«Бұл байқау алты бағыт бойынша өтуде. Мұн­дағы мақсатымыз облысымыздың 1 жыл­дық мерекесі қарсаңында өңіріміздегі өнерлі жас­тарымыздың туындыларын танытып, шы­ғар­машылықтарын дамыту болмақ», – дейді об­­лыстық отбасы, балалар және жастар ор­та­лы­ғы басқармасы басшысының орынбасары Марат Сәдібек.

Ұлттық құндылықтарымызды дәріптеген бай­қауда көздің жауын алатын сапалы дайын­далған дүние көп болды. Мәселен, сары­ғаш­тық қолөнер шеберлері Нұрсұлтан Қарсыбаев пен Айдана Қамбарова өздерінің жасаған бұйым­дарымен келіпті. Өздерінің байқауға қа­тысқандарына шексіз қуанышты екенін және бұл байқаудың өз шығармашылықтарын да­мы­туда үлкен серпін бергенін айтты. Нұрсұлтан өзінің жасаған бесігі мен қымыз құятын теге­не­лерінің жасалу жолдарын айтса, Айдана көз­дің жауын алар моншақтары жайында түсідіріп берді. Жалпы, бұл қолөнершілер көрме-бай­қауға өздерінің жүзден астам түрлі ірілі-ұсақты бұйым­ымен келіпті. Сонымен қатар өзге де өнер туындыларымен келген шы­ғармашыл жас­тардың дүниелері де осы көрмеден көрініс тап­ты.

Байқаудың нәтижесінде арнайы жүлделі орын­ға лайық деп танылған жастарға қаржылай сый­лық берілсе, өзге де бірқатар өнерлі жас­тарға ынталандыру сыйлығы табысталды.


Тельман БЕЙСЕН,
Түркістан қаласы