Қазақстан Президенті Қасым-Жомарт Тоқаев коронавирусқа шалдыққандардың күрт көбейіп бара жатқанын айтты.
Мемлекет басшысы Twitter парақшасында: «Қалаларда карантин шаралары сақталмағандықтан, індет жұқтырғандар саны артып барады. Үкімет, облыс және қала әкімдері жағдайды реттеуі керек. Көпшілік орындарда, қоғамдық көліктерде бетперде тағу міндетті. Азаматтардың денсаулығын сақтау үшін нақты шешімдер қабылдау қажет» деп жазды.
