Батыс Қазақстан облысында күннің қатты ыситыны жөнінде ескерту жарияланды. «Қазгидромет» РМК БҚО филиалының мәліметі бойынша 30 мамыр күні күндіз кей жерлерде найзағай ойнап, күн 35-39 градусқа дейін ысиды. Облыс орталығында да қатты ыстық – 35 градус. Осыған байланысты БҚО ТЖ департаменті төтенше жағдайларды болдырмау мақсатында күш-құралдар дайындыққа келтіріліп, тәулік бойы кезекшілік ұйымдастырылғанын жеткізді. Өмірлік маңызы зор нысандардың, электр және байланыс желілерінің қалыпты қызметін қамтамасыз ету бағытында шаралар алынуда.