Жол қауіпсіздігі – басты назарда
Жол қауіпсіздігі – басты назарда

Осыған орай, Алматы қалалық көліктік бақылау инспекциясында 19 маусым күні «Атамекен» ұлт­тық кәсіпкерлер палатасының қала­лық филиалының өкілдері, Жетісу көлік прокуратурасы және қала­лық мобилдік басқарма­сы­ның өкілдері бас қосып, жалпыға ортақ автомобиль жолдарындағы ауыр салмақты инертті жүк та­сымал­дарын жүзеге асыратын автокөлік құралдарына бақылау жүргізу мә­селесін талқылады. Жиын қоры­тындысы бойынша қолға алына­тын бастамалар кө­көніс және жеміс-жидек тасы­малдайтын жүк көліктерінің біраз түйткілдерін шешпек. Жол бо­йында жүкті бе­кітілген пара­метр­ден асыра тиеп алатын жүргізуші көп көрі­неді. Ондайлар жеке бастың пайдасын ойлаймын деп, тасжол мен жан-жағындағы жүр­гіншілерге орасан қауіп төндіріп келе жатқанын да түйсінуі тиіс екен.

Жиында осы мәселелерді ше­шу жағы баса айтылып, ол үшін арнайы телефон жұмыс істейтінін де жария етті. Қазіргі таңда ауыр салмақты көліктерге байланысты көлік комитетінің ахуалдық орта­лығы жұмыс істейді. Яғни, ол жердегі +7 708 0880 800 телефон нөмірі тәуліктің кез келген уақы­тында қоңырау қабылдауға да­йын. Сондай-ақ аталған нөмірге WhatsАpp және Telegram қосым­шасы арқылы да хабарлама жол­дауға болады. Халық пен инфра­құры­лымға жаны ашитын азамат­тар ереже бұзушылық көрген жағ­дайда осы нөмірге хабарлас­қаны абзал дейді инспекция қызмет­керлері.

– Егер азаматтар ауыр салмақ­ты карьер автокөліктерін көрген жағдайда – жолдың атауын, ша­қырымын, жақын жерде қандай елдімекен бар екенін және мүм­кін­дік болса көлік нөмірін фото немесе видео түрінде түсіріп атал­­ған нөмірге жолдауы тиіс. Бұдан кейін көлік комитеті ауыр жүк та­симын деп жолды құртатын кө­лік иелеріне тиісті шараларды қол­данатын болады, – дейді ­Ал­маты қалалық көліктік ба­қылау инс­­пекциясы басшысы­ның ор­ын­­­басары Хамитбек Петрәлиев.

Осыған байланысты елімізде уақытша шектеулер енгізілген бо­латын. Ол бойынша 1 маусым мен 15 тамыз және 1 маусым мен 31 та­­мыз аралығын қамтыды. Бұл жерде шектеу уақыттары оңтүстік және солтүстік климаттық бел­деу­леріне байланысты енгізілген. Көліктік инспекция алдағы уа­қыт­та да жол және жүк көліктері қауіпсіздігін басты назарда ұстамақ.