Онда парламентшілер Орталық Азия елдерінде коронавирус індетіне қарсы іс-қимыл, экономикалық даму, заңнамалық реформалар және парламентаралық үнқатысу мәселелері бойынша пікір алмасты.
Сенат Төрағасының орынбасары А.Шәкіров өз сөзінде COVID-19 індетіне қарсы күрес жөніндегі жан-жақты шаралар және пандемияның Қазақстандағы зардаптары туралы айтып берді. Кездесуге қатысушылар ел Президенті жариялаған «халық үніне құлақ асатын мемлекет» тұжырымдамасы аясында, атап айтқанда бейбіт жиналыстар мен митингтер ұйымдастыру, сондай-ақ партиялық жүйені нығайту, парламенттік оппозиция саласында жүзеге асатын демократиялық өзгерістер туралы хабардар етті.
ЕҚЫҰ ПА төрағасы Георгий Церетели Қазақстандағы дағдарысқа қарсы қабылданған шараларға оң баға берді, сонымен бірге коронавирустың өршуінен қатты зардап шеккен Италияның Ломбардия аймағына гуманитарлық көмек көрсеткені үшін алғысын білдірді.
Ассамблея биылғы жыл соңына дейін халықаралық қоғамдастық алдында тұрған қазіргі заманғы қауіп-қатерлердің өзекті мәселелері бойынша осыған ұқсас бірқатар вебинар өткізуді жоспарлап отыр.
