Коронавирус қаупі: Жезқазған қаласының әкімі оқшауланып, қашықтан жұмыс істеп жатыр

Коронавирус қаупі: Жезқазған қаласының әкімі оқшауланып, қашықтан жұмыс істеп жатыр
© сурет интернеттен алынды

Жезқазған қаласының әкімі Қайрат Бегімов коронавирус тасымалдаушымен байланыста болған соң оқшауланып, қашықтан жұмыс істеп жатыр, - деп хабарлайды Қарағанды облысы әкімінің баспасөз қызметі.

"Бүгінде Қарағанды облысы әкімдігі қызметкерлерінің 70 пайызы қашықтан жұмыс істеп жатыр. Олардың арасында Жезқазған әкімі де бар. Ол жұмыс сапары барысында вирус тасымалдаушымен байланыста болған. Оның тест сараптамасы теріс нәтижесі көрсетті, дегенмен ол үйден жұмыс істеп жатыр", - деді баспасөз қызметінің басшысы Марина Шаповалова.

Сондай-ақ, ол барлық аудан мен қала әкімдерінің коронавирусқа сараптама тапсырып жатқанын айтып өтті.

Еске салайық, мұның алдында Теміртау әкімінің коронавирустан айыққаны хабарланған болатын. Ғалым Әшімовтің коронавирус жұқтырғаны туралы 2 маусымда хабарланған болатын. Ведомство өкілдері әкімде аурудың белгілері байқалмағанын және оның ауруханада емес, үйде оқшауланғанын айтқан еді.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.