Дәстүрлі байқауда баспасөз, радио және интернет журналистика саласындағы үздіктерге жүлде табысталды. Үздік жұмыстарды белгілі қоғам қайраткерлері, блогерлер, шығармашыл зиялы қауым өкілдері мен атақты отандық журналистерден тұратын арнайы комиссия іріктеді. Комиссия мүшелері 11 номинация бойынша үздіктерді анықтады.
«Жыл газеті» аталымына «Время» газеті ие болды. «Жыл сұхбаты» аталымында «Литер» газеті бас редакторы орынбасары Жанна Ойшыбаева жеңіске жетті. «Жыл журналистік зерттеуі» аталымы Holanews.kz тілшісі Яцун Анастасияға бұйырды. «Жыл репортажы» аталымында Kapital.kz порталының қызметкері Ксения Бондал жеңімпаз атанды. «Жылдың үздік фотосуреті» аталымы бойынша Egemen.kz фотографы Оспан Әли үздік атанды.
Zakon.kz «Жылдың үздік ақпараттық порталы» атанды. «Жылдың үздік радиостанциясы» аталымында «Радио классик» үздік деп танылды. «Жыл new media» аталымы бойынша Талғат Қалиев жеңімпаз атанып, Kaliyev-channel-ді жылдың үздік ақпараттық паблигі деп жариялады. National Geographic «Жыл журналы» атанды. «Жылдың үздік танымдық материалы» жүлдесін ҚазАқпарат тілшісі Аян Өрібай иеленді. «Жыл сараптамалық материалы» аталымында Informburo.kz тілшісі Евгения Бодрова жеңіпмаз болды.
Сондай-ақ байқауда «Egemen Qazaqstan газетіне 100 жыл» аталымы Намазалы Омашқа табысталды. Жеңімпаздарға 1 миллион теңгелік сертификат пен естелік мүсінше берілді.