Шетелдік ақпарат көздеріне сүйенсек, Димаштың әні берілгеннен кейін радионы бүкіл әлем тыңдап, әншінің өнерін бағалаушылар редакцияға жылы лебізін жолдай бастаған. Димаштың Латвиядағы Dimash Latvia Dears фан-клубы бұл жаңалықты қуана қабылдап, өзге де радиолармен серіктестік орнатуды жоспарлап жатыр. Осыған дейін Димаш Құдайбергеннің әні Испания радиосынан да берілген болатын. Қазір қазақстандық әншінің әлемнің түкпір-түкпіріндегі жанкүйерлері белсенді. Жуырда оның 5 елдегі өнерін бағалаушы жандар «Дайдидау» әнін орындап, видео жолдаған болатын. Ал қытайлық жанкүйерлері әншінің туған күніне орай шөл далаға 3 мың ағаш отырғызса, Эстонияның Таллин қаласындағы тарихи саябақта оның құрметіне көшет отырғызылып, жанына естелік белгі орнатылды.
Эльмира ОРАЛБАЙ