Қарақалпақстанның Мойнақ ауданы орталығында «Шайырлар саябағы» салынды. Бұл туралы ӨзА агенттігі хабарлады.
Саябақта қарақалпақ, өзбек, қазақ, түркімен және орыс халқының классик ақындары - Әжінияз, Бердақ, Күнқожа, Әлішер Науаи, Абай, Мақтымқұлы, Пушкиннің бюсі тұрғызылып, олардың жанына ақындардың таңдаулы туындысынан үзінді жазылған.
«Шайырлар саябағы» жастардың рухани және мәдени танымын кеңейтуге, көрші халықтар ақындарының да өмірі мен шығармашылығына деген қызығушылығын арттыруға септігін тигізеді», - делінген хабарламада.
Саябақта түрлі іс-шаралар мен өнер көрмелер де өтеді.