Алматы қалалық Қоғамдық денсаулық басқармасының басшысы Камалжан Надыров симптомы жоқ науқастарды мобильді топтар үйіне барып бақылайтынын айтты.
- Ол бүгіндері Денсаулық сақтау министрлігі науқастарды қабылдау мен емдеу сынды барлық қадамдарды қамтитын егжей-тегжейлі клиникалық хаттама әзірлегенін атап өтті. Бұл - тұрғындар мен бұқаралық ақпарат құралдары жиі қоятын сұрақтардың бірі. Ауырлығы орташа және ауыр науқастар стационарға бірден жіберіледі. Симптомы жоқ және жағдайы тым ауырға жатпайтын науқастарды мобильді топтар үйіне барып бақылайды, - деді Надыров.
Симптомы жоқ және ауруы жеңіл жүріп жатқан науқастарды ауруханаға бағыттайтын алғашқы медициналық-санитарлық көмек, атап айтқанда, учаскелік дәрігерлер.
- Диагнозға қатысты барлық мәселе: ПТР тесті немесе компьютерлік томографиясының бәрін жергілікті дәрігермен бірлесіп шешуі керек. Науқас өзі есепте тұрған емханаға телефон немесе байланыс орталығы арқылы хабарласуы керек, - деді ол.
Камалжан Надыров сонымен бірге КТ және ПТР тестілеу қызметтері клиника бағытында ақысыз екенін айтты.
- Сондай қызмет көрсетуге жолдама берілсе, науқас бұл қызметтерді ақысыз алады, - деді Надыров.
Оның айтуынша, өкпенің компьютерлік томографиясы өте маңызды диагностикалық зерттеу болып табылады.
- Сәулеге түседі. Сондықтан КТ-ға түсуге ол адамға бола ма, болмай ма, мүмкін қарсы көрсетілімдері бар шығар, осының бәрін жергілікті дәрігермен бірлесе отырып әзірлеу керек, - деді ол.
