Жастардың еңбегі бағаланды

Мұнда жалынды жастардың жігері мен қайырымдылықтың айнымас көрінісі жатыр. Сондықтан да еріктілердің еңбегі әркез елеулі. Жамбыл облысының әкімі Бердібек Сапарбаев та ерікті жастарды қабылдап, құрмет көрсетті.

– Елбасы, «Nur Otan» пар­­тиясының Төрағасы Нұрсұлтан Әбіш­ұлы Назарбаев әркез жас­тар­ға үлкен сенім артқан. Ал биыл­ғы Волонтерлер жылы Ұлт көшбас­шысы жариялаған Жастар жылы­ның жалғасы екені даусыз.

«Nur Otan» партиясы әлемдік пандемия кезінде халықпен бірге болды. «Біз біргеміз» республика­лық акциясы аясында аз қамтыл­ған отбасыларға деген көмегін аямады. Бірлік бар жерде тірліктің де болатыны белгілі.

«Nur Otan» партиясының кө­мегімен 1 миллиард 300 миллион теңге көлемінде жамбылдық мұқ­таж жандарға материалдық көмек көрсетілді. Сондай-ақ жеке де­меу­шілер есебінен де көптеген игі іс атқарылды.

«Біз біргеміз» бастамасына қалталы азаматтардан бөлек, бү­кіл қазақстандықтар жұмыла ат­са­лысты. Олардың қатарында об­лыстың ерікті жастары да бар. Сон­дықтан да сіздерді бүгін қа­былдап, құрмет көрсетуді жөн деп таптым, – деген облыс әкімі сөз кезегін жастарға берді.

Жастардың атынан сөз алған «Nur Otan» партиясы облыстық филиалы жанындағы «Jas Otan» жастар қанатының төрағасы Уа­лихан Болатбек өңірдің ерікті жас­тары атқарған бірқатар жұ­мыс­тарға тоқталып өтті.

– Жамбылдың ерікті жастары әлемдік пандемия кезінде 15 мың­нан аса азаматқа азық-түлік се­бетін таратты. Сондай-ақ спорт са­ласындағы атақты толағай­ла­ры­мыз бен демеушілердің қол­да­уымен пәтерақысын төлей алма­ған азаматтарға дейін көмек қо­лын созды. Бұдан бөлек, біздің ерік­ті жастар Мақтаарал ауда­нын­дағы төтенше жағдайдан да шет қалмай, азық-түлік сынды мате­риал­дық кө­­мектен бөлек, елді мекенге ба­рып апат салдарымен күресуге де өзін­дік үлесін қосты. Бұл бағыт­та­ғы жұмыстар алдағы уақытта да жал­ғасын табады, – деді У.Болатбек.

Өз кезегінде сөз тізгіндеген ерікті жас Олжас Апбозов кәсіп­кер ретінде карантин кезінде мұқ­таж жандарға барынша қол­ұшын беруді өзінің азаматтық парызы санағанын айтып, жас­тарға қолдау білдіріп отырған Ел­басы мен «Nur Otan» партия­сы­на алғысын білдірді.

Облыс әкімі Бердібек Маш­бекұлы да жастардың жалынды бастамаларын әркез қолдайтынын айтып, Қазақстанның Тұңғыш Президенті – Елбасының алғыс­хатын табыс етті.

Бұл күні сондай-ақ «Қабілет» жастар орталығында «Nur Otan» партиясы Жамбыл облыстық фи­лиалы төрағасының бірінші орын­басары Балабек Нарбаев та ерікті жастарды құрметтеді.

– Биыл ел үшін сындарлы ке­зең болғаны анық. Десе де, қазақ­стандықтар жұдырықша жұмы­лып, барлық қиындықты еңсеруде.

«Birgemiz – Jambyl oblysy» қоғамдық қоры 50 000 теңге кө­лемінде бірреттік материалдық көмек ретінде мұқтаж жандарға жәрдемдесті. Бірінші кезеңмен 7 473 азаматқа жалпы сомасы 373 миллион 650 мың теңге кө­лемінде бірреттік атаулы әлеу­меттік көмек көрсетілді. Ал екінші кезеңмен жер­гілікті атқарушы органдардың деректемелері не­гізінде 464 мил­лион 750 мың теңге көлемінде 9 295 мұқтаж ­аза­матқа көмек берілді.

Үшінші кезеңмен Вirgemiz қо­рынан 10 221 адамға Байзақ, Жам­был, Мойынқұм, Сарысу, Та­лас, Шу аудандарының, оның ішін­де 185 елді мекендегі әлеу­мет­тік аз қамтылған отбасыла­рына 511 мил­лион 50 мың теңге аударылды.

Жалпы Вirgemiz қорынан Тараз қаласы және 6 аудан бо­йынша халықтың әлеуметтік осал тобына жататын 26 989 адамға 1 миллиард 349 миллион 450 мың теңге көлемінде материалдық кө­мек берілді. Сондай-ақ облысы­мыз­дың кәсіпкерлері де азамат­тық танытып, халқына көмек көр­сетуде бірқатар жұмыс атқарды.

Сонымен қатар Түркістан облысы Мақтаарал ауданының су тасқыны салдарынан зардап шек­кен ауылдарына партияның об­лыстық филиалының ұйым­дас­тыруымен 15 тонна гуманитарлық көмек (9,2 млн теңге) пен мүгедек жандарға арналған қоларбалар жолданса, Шу аудандық филиа­лының ұйымдастыруымен «Се­німді-Ақниет» қайырымдылық қо­ры 18 тонна (100 отбасына) гу­ма­нитарлық тауар жіберді. 20 жас­отан­дық Мақтааралға барып, ха­лыққа көмек көрсетті. Бұл ретте ерікті жастар сіздердің еңбек­те­ріңіз ерен. Ал ең бастысы сіздерге Елба­сының өзі құрмет көрсетіп, алғыс­хатын жолдап отыр, – деген Бала­бек Жанбекұлы Ұлт көшбас­шысының алғысхатын 40 ерікті жасқа табыс етті.

Салтанатты шарадан кейін жалынды жастар естелік суретке түсіп, қамқорлығы мен қол­дауы үшін Елбасы мен Мемлекет бас­шы­сына деген алғыстарын білдірді.

 

Саятхан САТЫЛҒАН,
 Жамбыл облысы

 

 

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.