Қазақстанның Тұңғыш Президенті Нұрсұлтан Назарбаевтың баспасөз хатшысы Айдос Үкібай оның қазіргі жағдайы қалай екенін хабарлады. Бұл туралы ол Twitter-дегі парақшасында жазды.
«Қазіргі уақытқа дейін БАҚ өкілдерінен Елбасының денсаулығына қатысты көптеген сауал келіп түсті. Нұрсұлтан Назарбаев өзін жақсы сезініп отырғанын және дәрігерлердің нұсқауын толық орындап отырғанын айтқым келеді», - деп жазды ол.
Сондай-ақ ол Елбасының Жеңіс парадын теледидар арқылы тамашалағанын айтты.
«Өкінішке қарай, Тұңғыш Президент Жеңістің 75 жылдығына арналған парадқа қатыса алмады. Алайда, Елбасы Жеңіс парадын теледидардан тікелей эфирде көрді», - деп жазды Айдос Үкібай.
