Дүние жүзінде коронавирус жұқтырғандардың саны 10 миллионнан асты. Бұл туралы Джонс Хопкинс атындағы университет мәлімдеді.
Университет мәліметі бойынша, дүние жүзінде 10 001 527 адам коронавирус жұқтырған. Оның ішінде, 499 204 адам қайтыс болған. Жалпы 5 065 869 адам аурудан айыққан.
АҚШ-та коронавирус жұқтырғандар саны 2,5 миллионнан асты. Бразилияда COVID-19 жұқтырған 1 313 667 адам анықталса, Ресейде 633 542 адам анықталған.
Еске салайық, дүниежүзілік денсаулық сақтау ұйымы 11 наурызда жаңа коронавирусты пандемия деп жариялады.
