Өнер және демалыс саласында жұмыссыздық күрт көбейді

Өнер және демалыс саласында жұмыссыздық күрт көбейді 1
Фото: Интернеттен алынды

Ranking.kz-тің жазуынша, өнер, ойын-сауық және демалыс саласында жұмыс істейтін, тіркелген компаниялардың саны биыл мамырдың соңында 6,7 мыңға жетіп, жыл ішінде 3,5%-ға артты.

Оның ішінде жұмыс істеп тұрғаны – 4,8 мың мекеме, жылдық өсім - 6,2%.

Қазақстанда коронавирус инфекциясының таралуына байланысты ойын-сауық орталықтары, оның ішінде балаларға арналған орталықтар, кинотеатрлар, театр, көрме мен басқа да адам көп жиналатын жерлер жабылған.

Өнер, ойын-сауық және демалыс саласында жұмыс істеп тұрған мекемелердің 95%-ға жуығы – шағын компаниялар.

Оның саны жыл ішінде 6,4%-ға, яғни 4,6 мыңға дейін көбейген.

Мамырдың соңындағы дерек бойынша, сектордағы орташа компаниялар саны – 226 (жылдық өсім 2,7%), ірілері – 40 (жыл ішінде сан өзгермеді). Жұмыс істеп тұрған компаниялардың жылдық өсімі бойынша ел астанасы көш бастап тұр.

«Қазақпараттың» жазуынша, жыл басталғалы өңірде 878 жаңа компания жұмысын бастап, жылдық өсім 14,6%-ға жеткен. Одан кейінгі орындарда Түркістан (+13,5%) және Ақтөбе облыстары (+12,9%) тұр. Секторда қызметі уақытша тоқтаған компаниялар жылдық есеп бойынша бірден 21,5%-ға артып, 1,1 мың болған.

Aikyn.kz | Бүгінгі жаңалықтар. Әлем және Қазақстан жаңалықтары.