БҚО Төтенше жағдайлар департаментінің баспасөз қызметі хабарлағандай, кеше кешкі сағат 17.15-те қатты дауыл тұрды.
Секундына 16 метрге дейін жеткен жел Шыңғырлау ауданы Ақбұлақ ауылдық округі Тасмола ауылында төңкеріп жіберді. Ондағы орта мектептің 40 шаршы метр шатырын жұлып әкеткен. Екі қабатты ғимараттың жалпы ауданы – 500 шаршы метр. Сонымен қатар тоғыз шақты жер үйдің шатырын да жұлып әкеткен екен.
Ал бүгін сағат 15.50-де Ақжайық ауданы Базартөбе ауылындағы орта мектептің шатыры сыпырылып түсті. Мектеп 1976 жылы салынған еді. Оның жалпы ауданы – 1100 шаршы метр.
Сондай-ақ қатты жел Сырым ауданындағы 16 электр бағанын құлатып кеткен. Соның салдарынан Қособа мен Жырақұдық ауылдары жарықсыз қалды. Қазіргі таңда келтірілген шығын анықталу үстінде.
