Еуропа лигасындағы қазақстандық клубтардың қарсыластары анықталды
Еуропа лигасындағы қазақстандық клубтардың қарсыластары анықталды

Ел намысын "Қайрат", "Ордабасы" және "Астана" қорғайды

УЕФА штаб пәтерінде Еуропа лигасы үшінші раундының жеребесі тартылып, қазақстандық клубтардың да қарсыластары анықталды.

Алматының «Қайраты» екінші раундта израилдік «Хапоэлмен» кездессе, «Ордабасы» чехиялық «Млада-Болеславпен» ойнайды. Екі ойын да 24 шілде және 1 тамыз күндері өтеді.

Ал «Қайрат» пен «Хапоэль» жұбының жеңімпазы швециялық «Норрчепингпен» немесе латвиялық «Лиеппаеймен» кездеседі. «Ордабасы» - «Млада-Болеслав» жұбының жеңімпазы армениялық «Алашкерт» немесе румыниялық «ФКСБ» ұжымымен жолығады.

«Қайрат» егер үшінші раундқа жолдама алған жағдайда алғашқы ойынын үйде өткізсе, «Ордабасы» сырт алаңнан бастайды. Кездесулер 8 және 15 тамызға жоспарланған. Осы кезеңнен кейін топтық кезеңге дейін тек бір раунд ғана қалады.

Чемпиондар лигасында сәтсіздікке ұрынған «Астана» да жорығын Еуропа лигасында жалғастырмақ. Елордалық команда андорралық «Санта-Коломамен» кездеседі. Бұл жұптың жеңімпазы Чемпиондар лигасының екінші раундында кездесетін «Ференцварош» - «Валетта» жұбының жеңілгенімен кездеседі.