Әлемнің 25 елінде домбыра фестивалі ұйымдастырылды (видео)
Әлемнің 25 елінде домбыра фестивалі ұйымдастырылды (видео)
©Сурет интернеттен алынды
Ұлттық домбыра күні бүкіл әлемде ұлықталды. Әлемнің 25 елінде тұратын қандастарымыз 36 қаланың орталығында қазақтың күйін күмбірлетіп, бейнебаян түсірді. Қос ішекті аспабымыздың үні - Сібір мен Жерорта теңізі аралығында, Күншығыс елінен Америкаға дейін асқақтады.
Аталған іс-шараны QazAlliance ұйымдастырды. Оған осы елдерде өмір сүретін және білім алып жатқан қандастарымыз қатысты. Игі істің басы-қасында жүргендер шетелдегі қазақтарды ұлттық құндылық пен төл өнерімізге баулуды көздейді.
[embed]https://youtu.be/8yIqEofmUJU[/embed] Жоба аясында Димаш Құдайбергенге арналған «Димаш Байжұма» атты күйдің тұсаукесері өтті. Туындының авторы  - Ресейдің Алтай Республикасының тұрғыны Жанайдар Нұрсалиев.
 – Халықаралық домбыра фестивалін жылда тойланатын мерекеге айналдыруды көздейміз. Мәселен, келер жылдың дәл осы күні әлемнің ең ірі қалаларының орталықтарында отандастарымызбен бас қосып, ұлттық рухымызды көтеріп, түрлі деңгейдегі іс-шараларды ұйымдастыруды жоспарлап отырмыз,   – дейді бейнебаян режиссері Тимур Сырымдатұлы.