Атырау, Батыс Қазақстан, Маңғыстау, Ақтөбе, Қызылордада аптап ыстық болады
Атырау, Батыс Қазақстан, Маңғыстау, Ақтөбе, Қызылордада аптап ыстық болады
Фото: Интернеттен алынды
«Қазгидрометтің» хабарлауынша, бүгін атмосфералық фронттардың әсерінен республиканың солтүстік-батысында, солтүстікте, орталықта және шығыста найзағай ойнап, жаңбыр жауады. Оңтүстікте және батыста ауа райы жауын-шашынсыз болады. Кей жерлерде жел күшейіп, оңтүстікте шаңды дауыл соғады. Солтүстікте түнде және таңертең тұман түседі, күндіз шығыста бұршақ жаууы ықтимал. Шығыс Қазақстан облысының кей жерлерінде жел жылдамдығы 15-20 м/с жетеді, күндіз бұршақ жаууы ықтимал. Қостанай, Солтүстік Қазақстан, Павлодар облыстарында түнде және таңертен тұман түседі. Павлодар облысының кей жерлерінде жел қарқыны – 18 м/с. Қызылорда облысының кей жерлерінде жел 15-20 м/с дейін күшейіп, шаңды дауыл тұрады. Ақтөбе, Түркістан облыстарының кей жерлерінде жел екпіні – 15-20 м/с. Атырау, Батыс Қазақстан, Маңғыстау, Ақтөбе, Қызылорда облыстарында күндіз аптап ыстық болады. Қызылорда облысының басым бөлігінде, Түркістан, Жамбыл, Алматы, Қарағанды облыстарының кей жерлерінде, Ақтөбе облысының оңтүстігінде, Атырау облысының батысында өте жоғары өрт қаупі сақталады.