Қашықтан жұмыс істейтін қызметкерге интернет пен электр қуатына кеткен шығын төленуі тиіс - Тінікеев

Қашықтан жұмыс істейтін қызметкерге интернет пен электр қуатына кеткен шығын төленуі тиіс - Тінікеев
© сурет интернеттен алынды

Жұмыс беруші қашықтан жұмыс істеп отырған қызметкеріне қосымша құралдар беруге және интернетіне, электр қуатына кеткен шығынды төлеуге міндетті. Бұл туралы Кәсіподақтар федерациясы төрағасының бірінші орынбасары Мұхтар Тінікеев айтты.

Оның айтуынша, жұмыс беруші қызметкерін тиісті құрал-жабдықпен қамтамасыз етпесе немесе оған құрал жабдықтың шығынын өндіріп бермесе, Еңбек кодексіне қайшы әрекет етеді деген сөз..

«Қашықтан жұмыс істейтін қызметкерді құрал-жабдықпен өамтамасыз етпеу және байланысқа кеткен шығынды  төлемеу еңбек құқығының бұзылғанын көрсетіп отыр. Өздеріңіз білетіндей, Еңбек кодексіне өзгерістер енгізілген. Сол өзгерістерге сәйкес, «қашықтан жұмыс» деп аталатын 138 баптың екінші тармағында жұмыс беруші қашықтан жұмыс істейтін қызметкерлерін тиісті байланыс құралдарымен қамтамасыз етуі керек деп жазылған. Егер қызметкер өз қаражаты есебінен, өз құралдарымен жұмыс істесе, жұмыс беруші оған қосымша құралдар беруге және интернетіне, электр қуатына кеткен шығынды төлеуге міндетті. Бұның барлығы екі тараптың арасында келісіледі», - деп түсіндірді Мұхтар Тінікеев ОКҚ-да өткен баспасөз мәслихатында.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.