«29 маусымда ірі фармкомпаниялармен, дәріханалар желісімен меморандумға қол қойылған болатын. Осы құжат негізінде қажет дәрі-дәрмектер дер кезіне жеткізілуде. Халыққа керек препараттар тізбесі кеңеюде. Біздің алдағы жоспарымыз – қаланың барлық дәріханаларын дәрі- дәрмектермен қамтамасыз ету», – деді З.Сәлімбаев.Сондай-ақ ол фармацевтикалық компаниялар қызметкерлері күрделі кезеңде тәулік бойы жұмыс істеп жатқанын айтты. Алматы әкімдігі жеткізушілерге жан-жақты көмек көрсетуде. Түрлі әкімшілік кедергілер дер кезінде жойылып, көлікпен қамтамасыз ету және басқа да шаралар шұғыл іске асуда. Мегаполис басшылығы фармкомпаниялар, медикаменттер өндірушілер өкілдерімен үнемі байланыста. Жақын күндері қалаға үлкен сұранысқа ие дәрі-дәрмектер тиеген кезекті рейстер келеді. Айдың соңына дейін шамамен 6,5 млн қаптамадағы қажетті препараттар жеткізіледі деп күтілуде. З.Сәлімбаев Ресейден келген жүктің гуманитарлық емес екенін айтты. Мұндағы дәрі-дәрмектер қала дәріханаларына бөлініп беріледі.
«Интернетте гуманитарлық препараттардың сатылғаны туралы жалған ақпараттар тарауда. Бұл шындыққа жанаспайды. Өйткені, гуманитарлық көмек ешқашан жеке дәріханаларға берілмейді, ол тек мемлекеттік ауруханаларға ғана бөлінеді», - деп атап өтті З.Сәлімбаев.
Гүлнар ЖҰМАБАЙҚЫЗЫ