Ақтауда шілденің 15 күнінде пневмониядан 96 адам қаза болды
Ақтауда шілденің 15 күнінде пневмониядан 96 адам қаза болды
©Сурет интернеттен алынды
Сол үшін де қызметкерлер моланы алдын ала қазуға мәжбүр. Бұл туралы "Светоч" салттық қызмет көрсету салонының директоры Наталья Серова айтты. Оның айтуынша, шілдеден бастап күніне орта есеппен жеті-он адам қаланың ескі және жаңа зиратында жерленеді. Маман карантин алынғаннан кейін өлім саны артып кеткенін жеткізді. Осы 1-15 шілде аралығында 100-ге жуық адам жерленген екен. "Соңғы жарты аптада жағдай нашарлады. 4 шілдеде мәйітханаға бірден 17 адам, келесі күні 28 адам келді. Келесі күндері қаза болғандар саны күніне 40-50 адамға жетті. Біз қабірлерді алдын ала қаза бастадық, ал оны жасамасақ, мәйітхана денеге толып қалар еді", - дейді ол. "Бұрын аптасына үш-жеті жерлеу рәсімі өтетін. Аптасына 10 жерлеу сирек кездесетін. Қазір өлім-жітім бірнеше есеге өсті. Қайтыс болғандарда негізінен пневмония болған немесе өкпесі қабынған. Кейбіреуінде - коронавирус. Ақтаудағы жағдай өте қиын. Карантин кезінде өлім болмаған. Бірде-бірі пневмония немесе коронавирустан емес. Сол кезде жерлеген адамдарда қатерлі ісік, жүрегі әлсіз болған немесе жасы келіп көз жұмғандар", - дейді Наталья Серова. Былтыр шілде айында 30 адам жерленгенін, ал биыл 15 күн ішінде 96 адам қайтыс болғанын мәлідеді.