Мемлекет басшысы: Кенжеғали Сағадиев мемлекетімізді дамыту ісіне мол үлес қосты
Мемлекет басшысы: Кенжеғали Сағадиев мемлекетімізді дамыту ісіне мол үлес қосты
фото: ашық дереккөз
Президент Қасым-Жомарт Тоқаев аса көрнекті ғалым, белгілі қоғам қайраткері, ҚР Ғылым академиясының бұрынғы президенті, экономика ғылымдарының докторы, профессор Кенжеғали Әбенұлы Сағадиевтің дүниеден өтуіне байланысты оның отбасы мен жақындарына көңіл айтып, жеделхат жолдады, деп хабарлайды Ақорда. «Кенжеғали Әбенұлы мемлекетімізді дамыту ісіне мол үлес қосты. ҚР Ғылым академиясына және Қазақ мемлекеттік аграрлық университетіне басшылық жасады. Парламент Мәжілісінің ІІІ және IV шақырылымдарының депутаты болып, отандық заңнаманы жетілдіруге атсалысты, ұзақ жылдар бойы ұстаз ретінде шәкірттер тәрбиеледі. Артында өшпес із, ұлағатты ұрпақ, ғылыми мұра қалдырды. Марқұмның жаны жәннатта, иманы саламат болсын», —  делінген жеделхатта. Айта кетейік, академик Кенжеғали Сағадиев 25 шілдеде 82 жасында өмірден өткен болатын.