Еуропалық олимпиадада жүлде алды

Олимпиада қорытындысы бойын­ша қазақстандық құра­маның қор­жынында бір ал­тын, екі күміс және бір қола медаль бар. Жеңімпаздар мен жүлдегерлердің қатарында  алтын медаль алған Семей қаласындағы Шығыс Қазақстан облыстық маман­дандырылған «Білім инно­вация» лицейінің  оқушысы Расул Мағауин, күміс медальға ие болған Павлодар қаласындағы дарынды балаларға арналған

№8 мектеп-лицейінің оқу­шысы Антон Драганчук, Нұр-Сұлтан қаласындағы республикалық физика-мате­матика мектебінің оқушысы Рауан Қалдыбаев, қола медаль алған  Павлодар қаласындағы дарынды балаларға арналған №8 мектеп-лицейінің оуқшысы Мирас Қоблан бар. Олардан бөлек Алматы қала­сындағы Республикалық физика-мате­матика мектебінің оқушысы Алексей Янченко гра­мотамен марапатталды.

Айта кетерлігі, Еуропалық физикалық олимпиада (IPhO – International Physics Olympiad) – физика пәні бойынша дарын­ды оқушыларға арналған халық­аралық аймақтық олим­пиада. Жарыс екі турда өте­ді: теориялық тур үш тап­сырмадан (жеңіл, орташа және жоғары деңгейдегі) тұрады, эксперименталдық бір немесе екі тапсырмадан тұрады.

Құрама команданың жаттық­тырушылары – Сүлейман Деми­рел университеті про­фессорының ассистенті С.Мақсұтов пен Алматы қаласындағы республикалық физика-математика мектебінің физика пәнінің мұғалімі А.Сидоренконың жұмысының арқасында қазақстандық оқу­шылар физика пәні бойынша Еуропалық олимпиадада елімізді лайықты деңгейде көрсете білді.

А.СҰЛТАН