Туризм индустриясы комитетінің төрағасы Дастан Рыспеков Қазақстаннан Түркияға әуе рейстерін 10 тамыздан бастап ашу жоспарланып жатқанын айтты.
«Бәрі елдегі және серіктес-елдегі эпидемиологиялық жағдайға байланысты болады. Бірақ Түркияға рейстерді 10 тамыздан бастап ашу мәселесі қарастырылып жатыр», – деді Рыспеков онлайн-брифингте.
Сондай-ақ Дастан Рыспеков қазақстандықтар Бурабай мен Алакөл курорттық аймақтарына отбасымен бару үшін бір адам тест тапсыруы керек екенін ескерткен болатын.
