Министрліктің мәліметінше, бүгінге дейін 350 мыңға жуық өтініш түсті. Олардың басым көпшілігі egov.kz «Электрондық үкімет» порталы арқылы қабылданды.
Оқушылар үшін медициналық анықтамаларды алу кезіндегі қиындықтарға байланысты білім беру ұйымдарына құжаттар тапсыру кезінде анықтаманы өткізбеуге уақытша рұқсат етіледі.
Медициналық анықтамаларды мүмкіндік болған кезде кейіннен тапсыруға болады. Бастауыш сынып оқушыларының ата-аналарының жазбаша өтініші бойынша, білім беру ұйымында жағдай болса, бірінші тоқсанда қатаң санитарлық шараларды сақтай отырып, кезекші сыныптардың жұмыс істеуі ұйымдастырылады.
